ليه شاطئ المروه بألابيض بعتبره افضل شاطئ في مرسى مطروح ‏🤔

اغلب المتابعين علي صفحتنا على الفيس بوك عارفين قد اية انا بحب شاطئ المروه اكيد طبعاً في أسباب عشان افضله علي شواطئ كتير .. 

مبدئياً " لولا اختلاف الأذواق لبارت السلع " و لكن خلينا نتكلم في الأسباب .. 

اولاً بفضل الشواطئ الكبيرة و المفتوحه لأسباب كتير لتجدد المياه بشكل أسرع و المياه بتكون فيها انقي 

ثانياً الشواطئ الكبيرة بتاخد عدد كبير من الناس و في نفس الوقت بيكون في مسافة كويسه بين الاسرتين عشان الناس تاخد راحتها .. 

ثالثاً و الأهم  قلة الخدمات علي الشاطئ بتسعدني اكتر ما بتزعلني مفيش مراكب مفيش بانانا بوت مفيش لانشات مفيش جيت سكي بتقدر تعوم في شاطئ نضيف و آمن من الحوادث الي ممكن يسببها الجيت أو اللانش او المركب و النقطه الأهم مفيش ازعاج مفيش رائحة من المركبات دى .. 

رابعاً و هنا النقطه السلبية ان الموج في الشواطئ المفتوحة بيكون عالي في أوقات كتير و لكن بردو في ايام بيكون كويس جداً جداً و ده بيسبب إزعاج و قلق للأسر عشان الأطفال و كبار السن 

و في النهايه سيظل شاطئ المروه بنسبة لي هو افضل شاطئ في مرسى مطروح ..