ازاى تقضي اسبوع المصيف في مطروح

- الناس الي متعرفش مطروح كويس عملتلهم برنامج صغنن و خفيف ⁦☺️⁩

- اولا يهمني جداً أن أول يوم ليك في مطروح تكون بدانيا و ذهنيا فل الفل عشان تعرف تتبسط بالاسبوع مش مشكلة ضحي ب 5 او 6 ساعات فالبداية و نام كويس و ابسط نفسك عشان تبدا تتبسط بالبلد ⁦♥️⁩ 

- ثانياً الشواطئ 🤔

انا مش هفرض عليك فالبرنامج شواطئ معينه عشان ميتاخدش علينا أننا بنعمل دعاية لحد علي حساب حد هنسبلك المجال مفتوح و اختار 

- نبدأ بشواطئ الأبيض و هما ( المروه . الزمردة . الأصيل . البلوبيتش . القوات المسلحة ) 

و من الأبيض هنروح لشواطئ الكورنيش ( العام . الليدو . العوام . الهنا ) 

و بعدين هنروح علي شواطئ ( الغرام . كليوباترا ) 

و بعدين نطلع علي عجيبة و ( عجيبة . ام الرخم ) 

و بعدين ننزل علي ( روميل . الفيروز . البسنت ) 

هقولك انا بقي لو هختار مثلاً هعمل اية .. 

اول يوم هخلية خفيف عشان السفر و التعب هنزل علي شاطئ علي الكورنيش مثلاً هختار

الليدو 

و تاني يوم هروح عجيبه اتصور فيها ساعه او اتنين  بعدين انزل علي شاطئ ام الرخم هو مش بعيد تقريبا مسافة ٢ كيلو 

تالت يوم بقي هروح حمام كليوباترا اتصور بقي و امتع نظرى في البحر الكبير شوية و بعدين اكمل علي الغرام مش بعيد عن بعض تقريبا مسافة كيلومتر

رابع يوم بقي هروح شاطئ الزمردة او المروه انا بحب الاتنين زى بعض 

خامس يوم بقي هروح روميل ادخل الأول الكهف و اسمع شوية عن التاريخ و بعدين انزل البحر 

سادس يوم بقي هروح شاطئ الأبيض للقوات المسلحه 

لو في سابع يوم هروح شاطئ الهنا علي الكورنيش بردو 

- اهم حاجة لو لقيت اي شاطئ من شواطئ الأبيض الموج فيه عالي متنزلش متنزلش متنزلش و لو حسيت و انت في البحر ان في سحب من غير موج خلي بالك بردو هتلاقي نفسك مكانك بيتغير مش لازم بقي تعمل فيها بطل عالم في السباحه و تدخل جوه البحر ملوش كبير عوم لحد طولك و عمر ما هيحصلك حاجة طول ما رجلك لامسه الأرض حتى لو حصل حاجة هتعرف تتحرك دى نصائح مش بخوفكم من الشاطئ لأن الي مرحش شاطئ الأبيض معناها انه مدخلش بحر بس من غير ما تعمل فيها بطل عالم 

كدة تقريباً غطينا كل الشواطئ لو نسيت حاجة قولولي ⁦☺️⁩

- ثالثاً المطاعم اغلبيتهم في شارع اسكندريه و نبدا ب ( كمنه . سحر . عبده كفته . كوكو العربي . ابو سلطان ) 

- الأسماك ( حمو التمساح . مجدى . ابو شعفه . عفيفي . خالد و اخواته . العوامي ) 

- بالنسبة للمطاعم العالمية للوجبات السريعة اغلبيتهم علي الكورنيش العام ( ماكدونالدز . مؤمن . كوك دور . كنتاكي بيتزا هت ) 

- نروح بقي علي الخروجات بليل و كل الناس مستنيه النقطه دى ⁦☺️⁩

- عموماً ان شخصياً بعشق القاعدة علي البحر بليل و اكتر حاجة بتخرج الطاقة السلبية منى 

في كافيهات علي البحر ممكن تقعد و تشوف شكل البحر و تستمتع بالموج و ممكن تاخد أطفالك و تروح الملاهي او ممكن تروح السينما و في واحدة جنب عزة و التانيه السينما الصيفي امام عمر افندي شارع الجلاء ⁦☺️⁩ او ممكن تركبهم عجل او بيتش باجي في ميدان الليدو او في روميل بليل و كمان في كافيهات ف روميل بليل بيعملوا سهرات يوميه ..

ممكن بقي تخرج من كل الدوشة دي و تروح القرية البدوية مكان هادئ و جميل جداً و مفتكرش انك هتندم انك روحت بالعكس هتندم انك مروحتش في مطاعم هناك علي الطريقه البدوية مبكبكه او جارية علي كلامنا و الرز الاحمر بالضاني و الشوربة المغربي و هتشرب كمان احلي فنجان شاى زردة و كل ده غير القاعدة البدوية و الراحه النفسيه و في كمان ملاهي لو معاك أطفال يلعبوا ..

بس كدة لا لسه في كمان في كهف الملح الي يعتبر التاني علي مستوي الجمهورية لاستخراج الطاقة السلبية و كمان التصميم هناك جميل جداً هيجبرك انك تتصور في كل متر فيه 

اكيد كلنا عارفين سوق ليبيا و شارع اسكندريه و جمالهم بالليل و اي حاجه تحتاجها هتلاقيها فيهم 

و ممكن بردو فالصبح تركب يخت يلف بيك ساعه او اتنين مش فاكر الصراحه ب 80 جنيه للفرد 

- القريه البدويه

- بمنطقه وادي الرمل الكيلو 8 طريق السلوم 

- يوجد بالقريه معرض لاجمل التحف البدويه و اظهار الطابع البدوي في التصميم و الموروث البدوي 

يوجد بها كهف الملح و هو الثاني علي مستوي جمهورية مصر العربية و هو من أفضل وسائل العلم الحديث في علاج إستخراج الطاقه السلبيه و العصيبه و الغده الدرقيه و حساسيات الصدر 

سر الشفاء في كهف الملح بسيط . فالهواء في داخله مشبع بميكرونات ( microns ) و أيونات الملح الطبيعي الذي يحتوي على كثير من المعادن و العناصر النزرة الفعالة في تخفيف أمراض الحساسية و نوبات الربو و اضطرابات نفسية أخرى ، اضافة الى تلطيف تهيج البشرة و استعادة التوازن الأيوني داخل الجسم . و من خلال المكوث في الكهف ، يمتص الجسم العناصر الضرورية لأحد الأعضاء كي يؤدي وظيفته كما ينبغي ، فيعود الجسم الى توازنه

يحتوي الملح في الكهف على الصوديوم و البوتاسيوم و المغنيزيوم و الكلسيوم و الحديد و البروم و اليود . فالصوديوم له تأثير ايجابي على وظيفة القلب و ضغط الدم ويحسن حالة البشرة . و هو يدخل مع الكلور في تركيبة ملح الطعام الذي يحافظ على التوازن الحمضي القلوي في الكائن الحي كما أنه ضروري لوظيفة الكلية ..

و البوتاسيوم له أيضاً تأثير ايجابي على وظيفة القلب ، و يحسن وصول الدم الى البشرة . وهو يخفض ضغط الدم ، و يحمي من أمراض القلب ، و له تأثير مدر للبول ، و يساعد في اخلاء المواد السامة من الأيض ( metabolism )

المغنيزيوم عنصر مضاد للاجهاد ، يساعد الجهاز القلبي الوعائي ، و يلطف نوبات الربو و الحساسية و التعبا لمزمن ، و التوتر العصبي ، و يخفض ضغط الدم المرتفع . أما الكلسيوم فيقوي مناعة الجسم و ينظم وظيفة الجهاز الدموي الوعائي . و هو مادة تركيبة العظم ..

الحديد عنصر أساسي في الهيموغلوبين . و هو يشفي فقر الدم ، و يقوي عمل العضلات و يحسن التركيز ، و يخفض التعرض للأمراض المعدية . و البروم يخفض ضغط الدم ، و ينظم وظيفة الجهاز العصبي . أما اليود فهو مسؤول عن سلامة الغدة الدرقية التي تتحكم بالأيض و النمو و الوزن ..

المناخ داخل كهف الملح الغني بجميع هذه العناصر هو في الغالب موقع مثالي الاستنشاق انه في حالات كثيرة علاج تكميلي يسرّع الشفاء و يساعد الجسم لبلوغ التوازن المرغوب  ووقد أثبتت الأبحاث الفوائد العلاجية لكهوف الملح في تخفيف الكثير من الأمراض ، مثل الحساسية و الربو و الاكزيما و ضغط الدم المرتفع و التقرحات و الاجهاد ..

أما الأمراض المعدية الحادة التي تصاحبها حمى ، مثل الانفلونزا و الزكام و الخناق و التهاب القصبة الهوائية و التدرن الرئوي ( السل ) فمن الأفضل للمصابين بها البقاء بعيداً عن كهف الملح . و لكن فور التخلص من الحمى يصبح اللجوء الى كهف الملح وسيلة للعلاج النهائي و التماثل ..

و المكوث في كهف الملح ليس مفيداً للاشخاص الذين يعانون من فرط نشاط الغدة الدرقية . كما أن زيارته ليست مناسبة في حالة الأمراض النفسية . و لكن ينصح به أحياناً بعد المعالجة الكيميائية من السرطان

- كما يوجد بها اشهي المأكولات البدويه 

مندي ، بومردم ، مكرونه جاريه باللحم الضاني ، ارز احمر باللحم الضاني ، مفروكه ، رز باللبن و السمن لمحلي و مقهي لجميع المشروبات و يوجد فالقريه جانب للضيوف المهمين و يوجد ايضآ قسم خاص بالعائلات 

 

- يوجد بالقريه البدويه سفاري و أجواء بدويه من خيم بدويه و ركوب الجمال و الخيل 

 

نتمنا للجميع قضاء اجمل الاوقات و ليالي الصيف فالقريه البدويه

- سعر دخول كهف الملح ١٢٥ جنيه 

- العنوان وادي الرمل ك ٨  عند المدخل الغربي لمطروح